آغا سراج درانی سپریم کورٹ کے باہر سے گرفتار
سپریم کورٹ نے آمدن سے زائد اثاثہ جات کیس میں آغا سراج درانی کو نیب کے سامنے سرنڈر کرنے کا حکم دیا تھا۔ نور حسن 03 دسمبر 2021 اسلام آباد: قومی احتساب بیورو (نیب) نے جمعہ کو سندھ اسمبلی کے اسپیکر آغا سراج درانی کو سپریم کورٹ کے باہر سے گرفتار کرلیا جب کہ عدالت نے انہیں انسداد بدعنوانی کے ادارے کے سامنے سرنڈر کرنے کا حکم دیا۔ عدالت عظمیٰ کے یہ احکامات پیپلز پارٹی کے رہنما کی جانب سے بدعنوانی کے ریفرنس میں ضمانت کی منسوخی کے خلاف دائر درخواست کے جواب میں آئے۔ درانی نے ذرائع آمدن سے زائد اثاثہ جات کیس میں ضمانت قبل از گرفتاری کے لیے سپریم کورٹ سے رجوع کیا تھا۔ سندھ ہائی کورٹ (ایس ایچ سی) سے ضمانت حاصل کرنے میں ناکامی کے بعد درانی نے اپنے خلاف دائر نیب ریفرنس میں ضمانت قبل از گرفتاری کے لیے سپریم کورٹ میں درخواست دائر کی تھی۔ اثاثہ جات کیس میں درانی پر مہنگی گاڑیاں رکھنے کے علاوہ کروڑوں روپے کی جائیدادیں اپنے خادموں کے نام کرنے کا الزام ہے۔ آج کی سماعت کے دوران جسٹس منصور علی شاہ نے کہا کہ سندھ ہائی کورٹ نے میرٹ پر ضمانت کی درخواست مسترد کردی اور ایس ایچ سی کے حکم پر عمل درآمد سے قبل س...